சீனாவிற்கு உளவு பார்த்த விஞ்ஞானியை கைது செய்த ரஷ்யா..

சீனாவிற்கு உளவு பார்த்ததாக ரஷ்ய விஞ்ஞானியை ரஷ்யா சைபீரியாவில் கைது செய்துள்ளது. கைது செய்யப்பட்ட விஞ்ஞானிக்கு 20 ஆண்டுகள் வரை சிறை தண்டனை விதிக்கப்படலாம் என கூறப்படுகிறது.

நோவோசிபிர்ஸ்க் ஸ்டேட் யுனிவர்சிட்டியின் இயற்பியல் மற்றும் கணித மருத்துவரான டிமிட்ரி கோல்கர், குவாண்டம் ஆப்டிகல் டெக்னாலஜிஸ் ஆய்வகத்தின் தலைவர் ஆவார். இந்த நிலையில் அவர் தேசதுரோக குற்றச்சாட்டின் பேரில் தடுத்து வைக்கப்பட்டுள்ளார்.

கோல்கர் முன்னர் சீனாவில் ஒரு சர்வதேச மாநாட்டில் கலந்து கொண்டு விரிவுரை செய்துள்ளார். தற்போது கைது செய்யப்பட்டுள்ள அவர் மாஸ்கோ சிறைக்கு மாற்றப்பட்டுள்ளார். அவருக்கு நான்காம் நிலை புற்றுநோய் இருப்பதாக அவரது குடும்பத்தினர் தெரிவித்துள்ளனர்.

இந்த வழக்கு மாஸ்கோவிற்கு கிழக்கே சுமார் 2,800 கிலோமீட்டர் தொலைவில் அமைந்துள்ள ரஷ்யாவின் மிகப்பெரிய நகரமான நோவோசிபிர்ஸ்கில் உள்ள சோவெட்ஸ்கி பிராந்திய நீதிமன்றத்தில் நடைபெற்று வருகிறது. இதேபோல் பல ரஷ்ய விஞ்ஞானிகள் வெளிநாட்டிற்கு உளவு பார்த்ததாக கைது செய்யப்பட்டுள்ளனர்.

ஹைப்பர்சோனிக் ஆராய்ச்சி ஆய்வகத்தின் இயக்குனரான அலெக்சாண்டர் குரானோவ் கடந்த ஆகஸ்ட் மாதம் இதேபோன்ற தேசத்துரோக குற்றச்சாட்டில் கைது செய்யப்பட்டார். அவர் அமெரிக்க நபருடன் நெருங்கிய தொடர்பில் இருந்ததாக குற்றம் சாட்டப்பட்டது.

இதேபோல் கடந்த ஆண்டு ஏப்ரலில், ஜுகோவ்ஸ்கி மத்திய ஏரோரஹட்ரோடைனமிக் நிறுவனத்தில் பணிபுரிந்த வலேரி கோலுப்கின் மற்றும் அனடோலி குர்பனோவ் ஆகிய இருவரும் பெயரிடப்படாத வெளிநாட்டினருக்கு ரகசியங்களை அனுப்பியதாக கைது செய்யப்பட்டனர்.