இந்திய கடற்படைக்கு நீர்மூழ்கி எதிர்ப்பு போர் அமைப்பை வழங்க ரூ.250 கோடி ஒப்பந்தத்தில் கையெழுத்திட்டது BEL நிறுவனம்..
பாதுகாப்புத் துறை பொதுத்துறை நிறுவனமாக பாரத் எலக்ட்ரானிக்ஸ் லிமிடெட் (BEL), 9 ஒருங்கிணைந்த ASW காம்ப்ளக்ஸ் (IAC) MOD C சிஸ்டம்களை வழங்குவதற்காக இந்திய அரசின் பாதுகாப்பு அமைச்சகத்துடன் சுமார் 250 கோடி ரூபாய் மதிப்புள்ள ஒப்பந்தத்தில் கையெழுத்திட்டுள்ளது.
IAC MOD C என்பது இந்திய கடற்படையின் அனைத்து மேற்பரப்பு கப்பல்களுக்கும் ஒரு ஒருங்கிணைந்த நீர்மூழ்கி எதிர்ப்பு போர் (ASW) அமைப்பாகும். இது தீ கட்டுப்பாட்டு தீர்வுகளை கணக்கிடுகிறது மற்றும் டார்பிடோக்கள் மற்றும் ராக்கெட்டுகள் போன்ற ஓருங்கிணைந்த நீர்மூழ்கி எதிர்ப்பு போர் ஆயுதங்களை தாக்குவதற்கு உதவுகிறது.
சிறிய கப்பல்கள் முதல் பெரிய கப்பல்கள் கட்டமைப்பு வரை எந்தவொரு தளத்தின் தேவைகளையும் பூர்த்தி செய்ய தீ கட்டுப்பாட்டு அமைப்பு பயன்படுத்தப்படலாம். டிகோய் லான்சிங் சிஸ்டம் மூலம் உள்வரும் டார்பிடோக்களுக்கான எதிர் அளவீட்டு திறனையும் இந்த அமைப்பு எளிதாக்குகிறது. IAC MOD C யை பாதுகாப்பு ஆராய்ச்சி மற்றும் மேம்பாட்டு அமைப்புடன் இணைந்து பாரத் எலக்ட்ரானிக்ஸ் லிமிடெட் நிறுவனத்தால் உள்நாட்டிலேயே உருவாக்கப்பட்டது.
பாரத் எலக்ட்ரானிக்ஸ் லிமிடெட் நிறுவனமானது, இராணுவ தகவல் தொடர்புகள், ரேடார்கள், ஏவுகணை மற்றும் கடற்படை அமைப்புகள், C4I அமைப்புகள், டாங்கி எலக்ட்ரானிக்ஸ் மற்றும் துப்பாக்கி அல்லது ஆயுத அமைப்பு மேம்பாடுகள், மின்னணு போர் மற்றும் ஏவியோனிக்ஸ், எலக்ட்ரோ ஆப்டிக்ஸ் மற்றும் பாதுகாப்பு பிரிவில் மின்னணு உருகிகள் ஆகிய துறைகளில் தயாரிப்பு மற்றும் அமைப்புகளை வழங்கும் நிறுவனமாகும்.
அதன் பாதுகாப்பு அல்லாத வணிக பிரிவில் உள்நாட்டு பாதுகாப்பு மற்றும் ஸ்மார்ட் நகரங்கள், சூரியசக்தி, செயற்கைக்கோள் ஒருங்கிணைப்பு மற்றும் விண்வெளி மின்னணுவியல், ரயில்வே உட்பட பலவற்றை உள்ளடக்கியது.
